Ang pinakamagagandang babae sa balat ng lupa ngayong taon
Dahil sa overhype na nalilikha sa mga constestant ng Pilipinas tuwing sasapit ang Miss Universe pageant, pinagtyagaan kong manood ng live broadcast nito kesa naman manood ako ng labanan ng mga maskuladong nagpapanggap na kalalakihan na karamihan ay naka spandex at felix bakat ang drama - ang Summerslam wrestling. Mas gusto ko ang ligaya na inihahatid ng mga bakat ng mga swimsuit ng mga constestants sa Miss Universe, kahit alam kong walang binatbat taun-taon ang mga representante ng Pilipinas.
Hindi ko nakasanayan na maniwala sa mga bayarang kolumnista na buong pugay nagbabalita sa mga pahayagan ang malaking tsansa ng ating kinatawan sa tuwing darating ang oras ng patimpalak. Taon-taon malaki ang pag-asa ng ating kinatawan, taon-taon din hindi naman nakakalusot sa semi-finals. KANINA, MUNTIK NANG MAKAPASOK SA TOP 15 ANG ATING PAMBATO. AKALAIN MO UNANG TINAWAG NA PUMASOK SA TOP 15 ANG MISS PUERTO RICO. MUNTIK NA TAYO DAHIL KATABI LANG NATIN ANG MISS PUERTO RICO SA ALPHABETICAL LISTING NG MGA KALAHOK.
Parehas ng basketbol ang problema natin sa Miss Universe. Kulang sa height at achievements ang ipinapadala natin. Hindi naman natin pwedeng sabihin na kung sa utak lang eh may panlaban tayo. Mga ineng at totoy, hindi naman mga bobo ang constestants ng ibang bansa. Napapansin ko na halos lahat ng mga pumapasok sa top 15 eh mga achievers na, may mga graduate na sa kolehiyo at nagpapraktis ng kaninang propesyon, mga mga nag aaral pa, at meron ding kilala na sa mundo ng modeling. Wag nating ikumpara ang pagkapanalo ni Gloria Diaz sa bawat taon na gaganapin ang Miss Universe pageant. Nanalo si Bb. Gloria Diaz hindi dahil sa talino kundi dahil maayos ang kanyang pagkakasagot. Para sa sakin, insulto ang sabihin nanalo ka sa Miss Universe dahil sa talino mo. Una, hindi naman quiz bee ang Miss Universe pageant, at ikalawa, pinalalabas nitong mga bobo ang mga kalaban mo, na no bearing contest ang magiging resulta. Deserving manalo si Bb. Gloria Diaz dahil deserving ang kanyang isinagot!
Hindi naman masama mangarap. Baka sa hinaharap eh manalo na ulit tayo at tanghaling pinakamagandang babae sa buong mundo ang ating kababayang Pilipina. Siguro kapag natuto na tayong tumingin sa kakayahan at hindi sa hitsura. Siguro kapag kahit hindi marunong mag English basta may kakayanan naman eh ikukuha na lang ng interpreter. Siguro sa tamang pagkakataon. Siguro tamang pagkakaintindi ng tanong(high tide or low tide???). At siguro, sa tamang pagsagot.
lalo na sa third paragraph... hehehe!!
tama, kung matalino ka... join battle of the brains!! lol
wag sa beauty pageant!!
- hahahaha.. ang kulit mo!!!
Overhype talaga kaya madalas nauudlot. :(
Remember Ms. Evangeline Pascual? Sumasama sya talaga sa group kung saan magStand out ang beauty nya.
Kaya kinakarir ng Venezuela beauties ang Ms U kasi "tax exemption for life" daw ang incentive ng government nila?