Fiesta na naman sa atin!

Category: By DuNi

Fiesta na naman sa atin!  Sorry.  Eleksyon pala.  Pakiramdam ko kasi parang fiesta lang ang mood.  Parang kelan lang nagdaos tayo ng huli nating fiesta.  Sorry ulit, eleksyon nga pala.  Wala pang halos anim na buwan simula nung huli tayong bumoto.  Unang automated elections pa nga kaya halos excited lahat noon.  Maganda ang naging objective ng automated elections pero hindi maganda ang resulta para sakin.  Medyo bitter pa rin sa pagkatalo ng manok ko syempre.

Pero ngayon ibang level naman.  Hindi muna automated dahil Barangay Elections lang naman daw.  Entry level o lower level, parang wala din naman pinagkaiba.  May namamatay pa ring kandidato.  May early campaigning pa rin.  May gumagastos pa rin ng malaki, lalo na yung manok ng mga mayors.   May nagbabayad pa rin ng ikapo.  May VOTE-BUYING pa rin.  May liquor ban nga, pero isa lamang itong legitimate na dahilan para sa bahay na lang mag-inuman at hindi sa mga beerhouse o mga bars.  In short, madumi pa rin ang eleksyon campaigns!

Dito sa amin, ang Kapitan ay anak ng Mayor. Ang SK Chairman anak din ni Mayor.  Family Affair, kumbaga.  At kapag usapang pamilya, hindi mawawala ang Family Feud!(complete with Dingdong Dantes arm swinging, but not the same face).  Ang kalaban ni Kapitan ay anak nung matinding kalaban ni Mayor.  Kulang na lang tumakbo din ang isang anak ni kalaban ni Mayor sa SK para talagang Family Feud ang dating!

Sigurado naman na walang panalo ang mga kalaban ni Kapitan kahit lumindol pa at magkamali ng bilangan!  Una, hindi maglalabas ng pondo para sa Barangay kapag natalo ang kanyang anak.  Pangalawa, kung ikaw ang mayor sa bayan nyo pababayaan mo bang matalo ang mga anak mo?

Ang mga kagawad parang senatoriables din ang dating, makikisakay kay kapitan, makikisakay sa mga ka-barangay, makikisakay sa mga isyu.  Maglalaglagan din sa huli!  Kulang na lang ibugaw ang sariling anak na babae kay Mayor para malakas ang kapit sa Kapitan, sa Barangay, at sa City Hall.  Barangay level pa lang, gumagawa na ng kalokohan.  Tama nga yung facebook status ni Marky(isa sa magaling na blogger na nakilala ko).  Sa Barangay madalas nag-u-umpisa ang corruption.

Meron na ring nag-u-udyok sa akin.  Meron nagtatanong kung wala daw ba akong balak din na tumakbo.  Ang sabi ko lang sa kanila ay ganito: “Wala... kaya nga ako nag-assemble ng bike kasi ayaw kong tumakbo.”

Walang matinong nagseserbisyo sa sariling bayan ang hindi naigugupo ng kasamaan.  Parang kamatis din yan, lahat yan magiging bulok pagdating ng panahon, mahaluan man yan ng kahit isang bulok na kamatis o hinde.  Hindi natin pwedeng lagi na lang sisihin ang sistema.  Sistema lang yan.  Tayo ang may utak.  Tayo ang nag-iisip kung ano ang tama at mali.  Kailanman ay hindi alam ng sistema kung tama o mali ang desisyon nito.

Yung iba sa atin hindi naiisip ito kasi may sarili din silang balak.  Ako?  Walang wala.  Good luck na lang sa matitinong kaibigan na binabalak sumuway sa sistema at baguhin ang pangit at gawing matino.  Hanggang dun na lang malamang ang suporta ko.  Nakakasawa na rin.  Si Governor, Congressman, Mayor, Councilor, Kapitan o Kagawad – kilala ka lang nyan pag eleksyon.  Pagkatapos nun hindi ka na nya kilala hanggang sa susunod ulit na eleksyon. 

Same-same.  Over and over.  Parang plaka.  Parang Fiesta.  Mabait ka sa lahat ng tao dahil fiesta.  Pagkatapos ng Fiesta parang hindi na kayo magkakakilala. 

4 comments so far.

  1. april ambrose October 26, 2010 at 12:45 AM
    During the Spanish Colonialization, each barangay were led and governed by a Cabeza de Barangay. However, the office of the Cabeza de Barangay was not elected but hereditary..so I wonder if this is the same mentality people still have when voting "Vote wisely suportahan ang mga kamag anak!". Hindi lang corruption ang rampant sa mga barangay, mas obvious dyan ang "palakasan system"a long tradition of false gratitude.*Bdway the title of your blog also speaks why during fiesta lang din visible ang mga barangay captain. :p
  2. DuNi @ October 26, 2010 at 10:36 AM
    oo nga... pang fiesta lang sila... tsaka pag may ililibing sa sementeryo!
  3. Anonymous June 30, 2013 at 10:19 PM
    Hi! ganyan din dito sa lugar namen. actually, i was planning to run as sk chairman dito sa barangay namen. then one day, pinuntahan ako ng ng bunsong anak ng mayor na may kasamang 4 na babae at kinukuha akong sk kagawad pero hindi siya ang kausap ko kundi ung 2 babaeng matanda na kasama niya. tahimik lang siya, nakikita ko sa mukha niya na napipilitan lang sya at ayaw niya talagang tumakbo. Ako, alam ko sa sarili ko na karapat-dapat ako sa posisyong iyon, dahil may napatunayan nako at willing talaga ako,hindi dahil sa perks o incentives na makukuha ko dahil gusto kong magkaroon ng pagbabago sa sk dito sa amin. Then ang balak nila kausapin lahat ang mga tatakbo para wala nang lalaban sa kanya. kinusap na nga rin ang magulang ko na kung maari sanang wag nakong patakbuhin. Pride daw kasi ni mayor ang anak niya. kelngan manalo para maging PPSK at makatakbo pa sa higher posisyon. actually pa mag 15 y/o palang siya at ako ay mag 17/o na. kung magwi withdraw man ako, hindi ako tatakbo dahil natatakot o hindi ko kaya, kundi magwi withdraw ako dahil alam kong gagawa at aggawa ang mga yan ng paraan para manalo. marami pa namang opportunity para sa akin. sabi pa nga daw, pag nag sk kagawad daw ako sa partido nila, saken daw ibibigay ang sweldo ng sk chairman at ako ang gagawa ng mga projects nila? ano sa tingin nila? pera ang habol ko? Sana maiba na ang ganitong uri ng sistema. sana ma-resolve na ang issue ng political dynasty na yan. di lang naman kayo ang may karapatang mamuno at tandaan niyo may mas magaling pa sa inyo, na kung hindi ka lamang anak ng mayor at kabataan ang maghuhusga ng walang bahid ng corruption, ay wala ka. sana maayos nato ng pamahalaan.
  4. DuNi July 24, 2013 at 11:12 PM
    halos lahat yata dito sa Pilipinas ganyan ang sitwasyon. Inu-umpisahan nila sa SK level kaya yung mga anak ng pulitiko bata pa lang nagkakasungay na sa ulo...

Something to say?

Older Post | Newer Post